“weiss es.”

Di ander isch sicher. Aso sicher, dass ez alles andersch isch. Das ez alles neu isch und hoffentli au neu blibt, also nid s’neue normal wird.
Aber si möcht au nid, dass alte normal wieder normal wird- sondern dass es andersch wird.

Di ander het richtig Lust becho zum ganz viil zmache, di freii ziit sofort zfüllä und het denn gmerkt “krass- de ganzi Druck wo susch vo ussä chunt, chani ez ganz ällei ufbaue. Du nä-ä, de wahnsinn.”

Eifach mal en Gang abeschalte, locker näh das ganze- chönti mer doch ez eifach mache- aber nei denn fühlt mer sich schlecht weg de andere, wo das ebä nöd eifach so chönd- die wo ez für di andere mönd luege- di wo di andere münd pfläge- di wo für di andere gstell dünd ufüllä- di wo für di andere de müll wegbringed.

Di ander het nemli immer denkt, di andere seged hald di andere und ez merkt si, dass au si- eifach di ander isch.